Ailədəki mübahisələrin əsas səbəbi pul çatışmazlığıdır.
Cebhe.info xəbər verir ki, Rusiyada aparılan rəy sorğusu bu nəticəni üzə çıxarıb.
"Levada Mərkəz”in apardığı rəy sorğusunda responentlərin 37 faizi mübahislərin əsas səbəbi kimi pulsuzluğu göstərib. 32 faizin fikrincə isə, qarşılıqlı anlaşmazlıq mübahisələrə yol açan əsas səbəbdir.
Ailədə münaqişə yaradan məsələlərdən biri də məsuliyyət bölgüsünün olmamasıdır. 28 faiz belə düşünür ki, məsulyyət doğru bölünməyədə mübahisələr qaçılmazdır. Uşaqlarla yaranan problemlər də ailədə mübahisəyə yol aça bilir. Rəy sorusunda iştirak edənlərin 15 faizi belə düşüncədədir.
Rəyi soruşulanların 26 faizi evdə mübahisə etmədiklərini, 8 faizi həftədə azı 2 dəfə mübahisə etdiklərini, 3 faizi isə hər gün dalaşdıqlarını deyib. 21 faiz isə mübahisələrin ayda bir neçə dəfə baş verdiyini bildirib. Respondentlərin 42 faizi mübahisə zamanı təhqirə yol vermədiyini, 39 faizi bunu nadir hallarda etdiyini deyib.
Respondentlərin 82 faizi mübahisə zamanı zorakılıqdan istifadə etmədiyini bildirib. Qadınların 12, kişilərin isə 7 faizi həyatlarında bir neçə dəfə döyüldüklərini etiraf ediblər.
Münaqişələrin yarısı ər-arvad arasında baş verir. 18 faiz uşaqları ilə, 16 faiz isə valideynlərlə mübahisə edir. Rəy sorğusuna 1600 nəfər qatılıb və onlar ölkənin 48 regionunu təmsil edib.
Xəbərdən istifadə edərkən istinad etmək vacibdir.
