Dünyanın bir sıra ölkələrində halal ət kəsiminin qadağan olunması "halal ət kəsimi qaydaları” məsələsini bir daha aktual edib.
Xeberle.com Metbuat.az-a istinadən xəbər verir ki, Belçika və digər ölkələr bu qərarı halal ət kəsimi zamanı heyvanların boğazını kəsib, qanını axıtmağın onlara daha çox əziyyət verməsi ilə əlaqələndirib.
Dindarlar iddia edir ki, ətin halal olması onun təkcə müsəlman tərəfindən kəsilməsi şərti ilə bitmir. İslami baxımdan 5 vacib şərt var ki, ət məhz bu şərtlər çərçivəsində kəsiləndən sonra halal hesab edilir:
- Heyvanı kəsən şəxsin müsəlman olması
- Heyvanı kəsən alətin dəmir olması
- Heyvanın üzünün qibləyə doğru kəsilməsi
- Heyvanın "Bismillah" deyilərək kəsilməsi
- Heyvanın qanının içəri axmaması üçün 4 damarının dördünün də kəsilməsi
Bu şərtlərdən hər hansı birinin pozulduğu halda həmin ətin halal sayılmadığı bildirilir.
Məsələ ilə bağlı metbuat.az-a açıqlama verən ilahiyyatçı İsmayıl Hüseynov halal ət kəsimi qaydalarından danışıb:
"Heyvanın yemək borusu, nəfəs borusu və boyunun yan tərəflərində olan iki qan damarı kəsilməlidir. Heyvanın əziyyət çəkməməsi üçün bu 4 şey iti bıçaqla tez zamanda kəsilməlidir. Ama iliyi kəsilmir. Qan tam axdıqdan sonra ilik kəsilir. İlik qan axmamış kəsilsə, heyvan şiddətli ağrı çəkərək tez ölə və qan damarlarda qala bilər. İliyi kəsməyib gözləyəndə qan tamamilə axır və heyvan artıq ağrı hiss etmir. Peyğəmbər iliyin tez kəsilməsini yasaqlayıb. Heyvanın halal olması üçün onu kəsənin müsəlman və ya əhli-kitabdan olması şərtdir. Həmçinin, Allahın adı çəkilməlidir".

Xəbərdən istifadə edərkən istinad etmək vacibdir.