İqtisadi Zonaların İnkişafı Agentliyinin nəzdində Peşə Təhsil Mərkəzində 22 may 2024-cü il tarixindən SEQUA vasitəsilə Almaniya Federal İqtisadi Əməkdaşlıq və İnkişaf Nazirliyi tərəfindən maliyyələşdirilən və Bildungswerk der Baden-Württembergischen Wirtschaft e. V. (BiWE) alman təşkilatı tərəfindən həyata keçirilən 4D Dual TVET layihəsi çərçivəsində müəllim-pedaqoji heyət üçün avtomatlaşdırma texnologiyası mövzusunda təlimlərə başlanılıb. Təlimlər Almaniya Federativ Respublikasından dəvət edilmiş ekspert Holger Müller tərəfindən keçirilir. 1 həftə davam edəcək təlimlər zamanı avtomatlaşdırma texnologiyası üzrə Loqo və təlim lövhəsinin strukturu, onun proqram təminatının istifadəsi və prosesin avtomatlaşdırılması mövzularının praktik və nəzəri tədrisi həyata keçiriləcəkdir.
Xəbərdən istifadə edərkən istinad etmək vacibdir.
