Bir neçə ay öncə Tiflisdə keçirilən "Xəzər-Qara Dəniz" ölkələrinin kubokunda erməni zabitini məğlub edən idmançımız, yenə də  Babək Əliyev dünya çempionu olub.

Dünən "WJJF" ve "ICO j-1" qaydası ilə (eynilə k-1 kimi-red) Almaniyanın "Stuttgart" şəhərində dünya çempionatı keçirilib. Dünən keçirilən dünya çempionatında 500-dən çox idmançı iştirak edib. 

Babək Əliyev dünya çempionu olmağı barədə  belə deyib:

"Mən bu yarışa Azərbaycan "Kikboksinq" Federasiyasının prezidenti Sənan Ağakişiyevin dəvəti ilə getdim. İlk döyüşdə italiyan rəqibimə qalib gəldim. İkinci raundda da fransız əsilli isveç təmsilçisinə qalib gəldim. Finalda isə Əlcəzair idmançısı ilə rinqə çıxdım və ona da qalib gəldim."

Qeyd edək ki, Babək Əliyev bu gün vətənə qayıdacaq.

İdmançımıza təbriklərimizi çatdırır, böyük uğurlar arzu edirik!(atv.az)