Bu gün İqtisadi Zonaların İnkişafı Agentliyinin nəzdində Peşə Təhsil Mərkəzində Beynəlxalq Əmək Təşkilatının (ILO) və Google şirkətinin beynəlxalq təlimçisi, həmçinin "404 ACADEMY" Təhsil Mərkəzinin rəhbəri, süni intellekt və informasiya texnologiyaları üzrə mütəxəsis Ramid Ağayevin "NEBULA" Süni İntellekt təlimi keçirilmişdir.

Xeberle.com məlumat verir ki, Təlimin əsas mövzuları arasında süni intellektin əsas anlayışları, Maşın Öyrənməsi (Machine Learning), Dərin Öyrənmə (Deep Learning), və Kompüter Görüşü (Computer Vision) kimi əsas sahələr yer aldı. Bu mövzuların hər biri iştirakçıların süni intellekt texnologiyalarını daha dərin anlamalarına və onları müxtəlif sahələrdə tətbiq etmək üçün lazımi bacarıqları inkişaf etdirmələrinə imkan verdi.

Təlimin ən maraqlı hissələrindən biri "RamidAI" adlı süni intellekt modelinin test edilməsi oldu. Bu model, süni intellektin gücünü və potensialını nümayiş etdirməklə, tələbələrin marağını cəlb etdi . "RamidAI", müxtəlif problemləri həll etmək və mürəkkəb məlumatları analiz etmək qabiliyyəti ilə seçildi.

"NEBULA" Süni İntellekt təlimi, tələbələrə süni intellekt sahəsində yeni bacarıqlar əldə etmək, mövcud biliklərini genişləndirmək və bu texnologiyaların müxtəlif sahələrdə necə tətbiq edilə biləcəyini öyrənmək imkanı verdi. Bu təlim, süni intellektin gələcəyi və onun bizim həyatımızda oynayacağı rol barədə dərin düşünməyə və yeni fikirlər yaratmağa təşviq etdi.
Peşə Təhsil Mərkəzində keçirilən "NEBULA" Süni İntellekt təlimi, süni intellekt sahəsində Azərbaycanda aparılan yeniliklərin və təhsilin mühüm bir hissəsidir. Bu təlim, ölkəmizdə süni intellekt texnologiyalarının inkişafına və tətbiqinə töhfə verəcək peşəkarların yetişdirilməsində mühüm rol oynayır.