Sumqayıt Şəhər İcra Hakimiyytinin başçısı Eldar Əzizov qeyri-iş günü hesab edilən bayram günlərində şəhərin yol istismar idarəsinin əməkdaşlarını da ayağa qaldırıb.
Bu barədə Moderator.az-ı bilgiləndirən mənbənin sözlərinə görə, icra başçısı şəhərin mərkəzi yollarında mövcud olan problemləri bayram günü aradan qaldırmağa qərar verib.
Bu məqsədlə mərkəzi küçələrə xeyli sayda texnika və canlı qüvvə cəlb edilib. Iki gün bundan öncə başladılan təmir-bərpa prosesi bu gün də davam edir.
Mənbənin məlumatına görə, E.Əzizovun təkidi ilə şəhərdəki bəzi dövlət qurumlarının əməkdaşları da bayram günü olmasına rəğmən işə çıxarılıb ki, bu da ciddi narazılığa səbəb olub.
Xəbərdən istifadə edərkən istinad etmək vacibdir.
