Tərəflər arasında mübahisə qiymət artımına görə yaranıb
"Qızıl-Gül” firması "Bazarstore” Məhdud Məsuliyyətli Cəmiyyətini (MMC) məhkəməyə verib.
Xeberle.com məlumat verir ki, firma icarə müqaviləsinə xitam verilməsini tələb edir.
İddiaya 2 saylı Bakı İnzibati-İqtisadi Məhkəməsində baxılır.
Qeyd edək
ki, "Qızıl-Gül” firması ilə "Bazarstore” arasında 19 dekabr 2012-ci il
tarixli icarə müqaviləsi bağlanıb. Müqavilə sənədinə əsasən, "Qızıl-Gül”
firması Sumqayıt şəhəri, 30-cu məhəllədə 2 min kvadratemetrlik ərazini
"Bazarstore”a icarəyə verib. Bu ilin martında isə firmanın direktoru
Azər Nəbiyev mülkiyyətində olan obyektinin icarə haqqının qiymətini
artırıb. Tərəflər arasında mübahisə də məhz bundan sonra yaranıb.
Xəbərdən istifadə edərkən istinad etmək vacibdir.
