Qızıl Aypar Cəmiyyəti Sumqayıt şəhər bölməsi 2012-2014-cü illərə həsr olunmuş Hesabat- Seçki konfransını keçirdi.

11 iyun 2014- cü ildə Qızıl Aypara Cəmiyyəti Sumqayıt şəhər bölməsinin 2012- 2014- cü illərə həsr olunmuş Hesabat- Seçki konfransı keçirildi. Konfransda “Azərikimya” İB-nin Müşahidə Şurasının sədri, millət vəkili Muxtar Babayev, Respublika Qızıl Aypara Cəmiyyətinin icraçı katibi Bayram Vəliyev, Respublika Qızıl Aypara Cəmiyyətinin vitse prezidentləri Qafar Əsgərzadə, Ramazan Sultanov, Əziz Qocayev, Ərazi idarəetmə və yerli özünü idarəetmə orqanları ilə iş bölməsinin müdiri Əbülfəz Hənifəyev, Gənclər Komitəsinin sədri Xalidə İsgəndərova, Bakı şəhərinin 11 rayon bölmə sədrləri və Sumqayıt şəhərinin idarə və müəssisə rəhbərlikləri iştirak edirdilər.

Konfrans Azərbaycan Dövlət Himninin səsləndirilməsi ilə açıq elan olundu. 

Beləliklə, Hesabat – Seçki konfransının gündəliyində duran məsələlər 2012-2014 – cü illər üçün bölmənin fəaliyyətinə həsr olunmuş filmin izlənməsi, bölmə sədri tərəfindən 2 illik fəaliyyətə həsr olunmuş hesabatı və maliyyə komissiyasının hesabatının dinlənilməsi və növbəti fəaliyyət dövrü üçün sədrin seçilməsindən ibarət idi.

Prosedur qaydalardan sonra gündəlik ətrafında çıxışlar oldu. ”Azərikimya” İB-nin Müşahidə şurasının sədri, millət vəkili Muxtar Babayev, Səhiyyə şöbəsinin müalicə inspektoru Səkinə Sadıqova, “Qartal” Tikinti firmasının direktoru Şahin Məmmədov çıxış edərək bölmənin gördüyü işlərdən danışaraq bölmənin fəaliyyətini qiymətləndirdilər. Respublika Qızıl Aypara Cəmiyyətinin vitse prezidenti Qafar Əsgərzadə çıxış edərək bölmənin işini müsbət qiymətləndirərək növbəti illər üçün də bölmə sədri Mətanət Məhərrəmovanın namizədliyini irəli sürdü və iştirakçılar tərəfindən yekdilliklə qəbul dəstəkləndi. 

Sonda İcra Hakimiyyətinin nümayəndəsi, Ərazi idarəetmə və yerli özünü idarəetmə orqanları ilə iş bölməsinin müdiri Əbülfəz Hənifəyev çıxış edərək bölmənin növbəti fəaliyyətinə uğurlar arzuladır. Bununla da konfrans öz işini uğurla bitirdi.