Gənc qız Olimpiya oyunlarının qalibi olsa da, bundan xəbəri olmayıb.
1900-cü ildə Parisdə qadınların ilk dəfə iştirak etdiyi Olimpiya oyunları keçirilib.
Qadınlar yaxtada üzmək, tennis və qolf kimi idman növlərində güclərini sınayıblar. Qolf üzrə olimpiya çempionu 24 yaşlı amerikalı Marqaret İv Ebbott olub. O dövrdə oyunlar o qədər aşağı səviyyədə təşkil olunub ki, idmançılar olimpiya yarışlarında iştirak etdiklərinin fərqinə varmayıblar. Heç kim gənc qıza Olimpiya oyunlarında oynadığını bildirməyib.
Marqaret turnirin qalibi olub və hakimlərin əlindən çini kuboku götürüb ( o dövrdə olimpiya çempionlarına qızıl medallar verilmirdi ) və vətəninə geri dönüb.
Yalnız 60 il sonra, Marqaret öldükdən sonra məlum olub ki, onun qalibi olduğu turnir 1900-ci ilin Olimpiya oyunları proqramlarına daxil imiş.
Həmin yarışlarda Marqaretlə birlikdə anası Meri Ebbot da iştirak edib və yeddinci yeri qaznıb. Bu isə olimpiya oyunları tarixində ilk dəfə ana və qızın iştirak etməsi olub.
Qeyd edək ki, həmin oyunlara Marqaret və Meri Ebbotdan başqa daha 9 qadın qatılmışdı. (olke.az)
Xəbərdən istifadə edərkən istinad etmək vacibdir.
