Qeyri-adi məqamlar fotoobyektivin yaddaşına daha tez düşür. Xüsusilə də əgər həmin anlar prezidentlərlə bağlıdırsa. Çox yəqin ki, dövlət başçıları belə məqamlarda media mənsublarının diqqətindən yayınmaq istəyirlər. Ancaq bu anda jurnalist peşəkarlığı siyasətçi çevikliyini üstələyir.

Modern.az saytı prezidentlərlə bağlı növbəti yazısında dövlət başçılarından qeyri-adi məqamları təqdim edir.

Böyük Britaniyanın baş naziri Devid Kemeronu Amerika Birləşmiş Ştatlarının prezidenti Barak Obama öz ölkəsində belə qarşılayır. Yəqin görüşün bu məqamı dünya tarixinə iz salmış “Brejnev öpüşləri”ni çox-çox arxada qoyacaq.

Rusiya Federasiyasının prezidenti Vladimir Putin döş nişanını taxmaqda çətinlik çəkir. Təltif olunan xanım bu çətinlikdən əziyyətlə yanaşı həm də həzz alır.

Kuba lideri Fidel Kastro media nümayəndəsinin qəliz suallarına cavab verməkdən belə yayınır. Bu hərəkətdən xanım jurnalist heç də narazı qalmır.

Gürcüstanın yeni iqtidarı nəzərə almalıdır ki, sabiq prezident Saakaşvilinin dövlət hesabına aldığı geyimlərin yarısı xalqa mənsub olub.

Amerika Birləşmiş Ştatlarının prezidenti Barak Obamanın siyasətinin donduğu məqam.

Gələnlər gedənləri belə yola salır.

Boris Yeltsinin iki barmaq işarəsi ilə nə dediyi məlum deyil. Axı bunun bir neçə mənası var.

Şimali Koreya lideri Kim Çen Inın siyasəti qeyri-adi məqamlarla zəngindir. O həmişə təəcübləndirməyi bacarır. Heç bir ölkədə rəhbərə belə “sevgi” görünməyib. Hətta uşaqlar belə öz “sevgi”lərini göz yaşları ilə təzahür edirlər.

Yuxu gəldisə onun qarşısını almaq müşkül məsələdir. Foto həvəskarı olan Rusiyanın sabiq prezidenti, hazırkı baş nazir Dmitri Medvedevin yuxusuna fotojurnalistlər də haram qata bilmirlər.

Elə düşünməyin ki, ağzı əyilmiş Sarkisyanın bu vəziyyəti onun qeyri-adi məqamıdır. Zərbə ona elə güclü dəyib ki, Serjikin sərsəm-sərsəm danışan ağzı bir daha çətin düzələ.

İlham Cəmiloğlu