Bu sözləri böyük nüfuza malik Rusiya Ortodoks Kilsəsinin rəhbəri patriarx Kirill bazar günü deyib və Fransanın "Şarli Hebdo” satirik jurnalında Məhəmməd peyğəmbərin karikaturasının çap edilməsinin "uşaq şıltaqlığına” bənzədiyini bildirib: 

"Şarli Hebdo" mütəmadi şəkildə müsəlmanları, xristanları və başqalarını bu tip sayğısız karikaturalarla təhqir edir". 

Rusiya prezidenti ilə yaxın olan patriarx Kirill mərasimdə çıxışı zamanı terroru lənətləyib və eyni zamanda dindarların inancından doğan hislərinin təhqir olunmasına etiraz edib. Həmin mərasim Rusiya TV-ləri vasitəsi ilə yayımlanıb. 

 
Rusiya etnik baxımdan çox zəngindir, dini baxımdan da yekdil deyil. Ölkədə böyük sayda müsəlman azlıq yaşayır. Ancaq Prezident Putin pravoslav kilsəsinə böyük imtiyazlar tanıyır, onlara milli varlığın əsas dayağı kimi önəm verir.  (musavat.com)