"Google” korporasiyasının nümayəndələri bildirib ki, servisin tərtibatçıları tibbi axtarış səhifəsi üzərində işləyirlər.
İKT.lent.az-ın "vladtime.ru” saytına istinadən məlumatına görə, şirkət əməkdaşları hesab edir ki, bu funksiya da populyarlıq əldə edəcək.
Gündəlik olaraq 1 milyondan artıq "Google” istifadəçisi axtarış sətrində xəstəliklərə və tibbi ləvazimatlara aid sorğular daxil edir. Bu cür məlumatlara olduqca böyük tələbatın olması səbəbindən şəbəkədə sertifikatlaşdırılmamış dərmanlar satan və xəstəliklər barədə yalan məlumatlar təqdim edən çoxlu sayla sayta rast gəlinir. Bu səbəbdən "Google” bu cür sorğular üçün ayrıca akkaunt yaradacaq.
Layihə üzərində korporasiya ilə birgə olduqca böyük ştatda tibb işçisi və professorlar çalışır. Həmçinin həkimdən onlayn məsləhətlər də almaq imkanı olacaq.
"Tibbi axtarış sistemi” soyuqdəymədən tutmuş onkoloji xəstəliklərə qədər ətraflı məlumatları təqdim edə biləcək.
Xəbərdən istifadə edərkən istinad etmək vacibdir.
