Növbəti onillikdə mətn ismarıcları tamamilə itəcək. Onların əvəzinə isə video çarxlar gələcək.
İKT.lent.az-ın "iLenta.com” saytına istinadən məlumata görə, "Facebook”un Avropa, Yaxın Şərq və Afrika üzrə vitse-prezidenti Nikola Mendelson belə hesab edir.
Ən nüfuzlu qadınların beynəlxalq sammitində çıxışı zamanı Nikola Mendelson bildirib ki, video sosial şəbəkədə tərtibatçıların təxmin edə bilməyəcəyi populyarlığı əldə edib. Ötən il ərzində videoların gündəlik baxışlarının 1 milyarddan 8 milyarda qədər sıçrayıb. "Facebook” mobil əlavəsi vasitəsilə isə hər gün 100 milyon saat videoya baxılır. Bununla belə, "canlı” videolar onlarla dəfə çox şərh alır, nəinki əvvəlcədən yazılan.
Sosial şəbəkədə mətnin sayı isə azalmaqda davam edir. Mendelson proqnozlaşdırıb ki, növbəti beş il ərzində mətn ismarıcları demək olar ki, tam olaraq sosial şəbəkədən itəcək. Lentdəki xəbərlər əsasən kameraya yazılmış monoloqlardan ibarət olacaq. Özü də bu video çarxları əvvəlcədən hazırlıq olmadan düzəldiləcək.
"Məlumatlarla aşıb-daşan dünyada hadisəni danışmaq üçün ən yaxşı vasitə videodur. O, qısa müddət və vaxt ərzində daha çox məlumat ötürür. Belə tendensiya bizə məlumatları daha tez emal etməyə imkan verəcək”, - deyə Mendelson bildirib.
Xəbərdən istifadə edərkən istinad etmək vacibdir.
