Sumqayıtda aparılan abadlıq-quruculuq işləri davam edir. Günü-gündən dəyişən Sumqayıtda küçə, səki və yol təmiri işlərini şəhərimizin çox yerində görmək mümkündür. Şəhər rəhbərliyi tərəfindən Sumqayıtın bir çox hisəsində artıq asfalt örtüyü çəkilib və bu işlər hazırda davam etdirilir. Əldə etdiyimiz son məlumatlara əsasən son günlərdə Nəriman Nərimanov küçəsi ilə Mərkəzi bazar məsafəsində hər iki istiqamətdə asfaltlanma işləri yekunlaşdırılıb və sakinlər də bundan razılıq edirlər. Ancaq bəzi yollar var ki, artıq dağılıb və xüsusən qış aylarında keçilməz olur, yaxud da sonuncu dəfə SSRİ dövründə asfalt üzü görüb. Hər halda Sumqayıtda əsas küçə yolları demək olar ki, asfaltlanıb və ümidvarıq ki, müvafiq plan əsasında bu ərazilər də standartlara uyğun təmir ediləcək.

 

Xeberle.com mövzunun aktuallığını nəzərə alaraq, facebook sosial şəbəkəsində - Sumqayıt Rəsmi Səhifəsi vasitəsilə -  izləyicilərimizə bu sualı ünvanlayıb: "Hazırda Sumqayıtda hansı məhəllədaxili küçələrdə asfalt örtüyü yoxdur? Sorğunun nəticəsini ümumiləşdirib sizlərə təqdim edirik. Beləliklə, ən çox adı çəkilən ünvanlar Yaşıl dərə, Xəzər bağları, Sumqayıt stansiyası, Qurd dərəsi massivi, Ceyranbatan bağları, Corat qəsəbəsi, 12, 8, 4-cü mikrorayonlarda məhəllə daxili ərazilər, Rustavi küçəsi və Kottec qəsəbəsinin bəzi daxili yolları, 20 Yanvar küçəsi və sairdir. Bundan başqa bəzi məhəllədaxili yolların da asfalt örtüyünə ehtiyacı var.

 

Səhifənin fəal izləyicilərinin yazdıqları rəyləri nəzərə alaraq siyahını sizlərə təqdim edirik:

-              12 mkr.-da Çinar marketin arxası

-              11-12-ci mikrorayonlar arasındakı əlavə yol (avtobus yolu)
-              6-cı mkr., 20-ci evin arxası, "Samsung” və "Bank of Baku”nun arxası
-              12-ci mkr. 36-cı binanın qarşısı
-              Heydər Əliyev prospekti, Tarix Muzeyinin yanındakı doqquzmərtəbəli binanın qarşısı
-              17-ci mkr., "Xarı Bülbül” şadlıq sarayı ilə üzbəüz
-              Yeni Sumqayıt yaşayış massivinin əsas küçəsi
-              2-ci mkr.-da 25 nömrəli məktəbin arxa tərəfi
-              Corat qəsəbəsi, 2-ci məhəllə
-              9-cu mkr., 27A/11-ci binanın qarşısı və 25 nömrəli avtobusun köhnə yolu
-              2-ci mkr., 27/69-cu bina
-              4-cü mkr., ev 11/66-nın və 31/14-ün həyəti
-              17-ci mkr., 34, 33, 32-ci binalarin qabağı
-              Hacı Zeynalabdin Tağıyev və Ceyranbatan qəsəbələrinin kəsişməsində olan bütün küçələr
-              Pasyolka, 9 nömrəli tam orta məktəbin yolları
-              Təzə 9-cu mkr., ev 73 və 74 ün qabağı (yarımçıq asfaltlanıb)
-              22-ci məhəllə, Natəvan küçəsi və həmin küçənin 4-cü döngəsi
-              18 -ci mkr., "Aylı Gecə” restoranın yolunun qurtaracağından üzümlük istiqamətinə gedən yol
-              18-ci məhəllə, "Polad” idman kompleksinin ətrafındakı ara yollar
-              Daş bazarı ərazisi, 52-ci məhəllənin ara küçələri
-              Corat bağları massivi, 33 nömrəli avtobusun yolu
-              6-cı mkr., "Liman klinikası”nın ətrafı və s.

Məsələ ilə bağlı Sumqayıt şəhər İcra Hakimiyyətinin mətbuat xidmətinin rəhbəri Eyvaz Qocayevdən açıqlama aldıq. O bildirdi ki, görülmüş işlərin davamı olaraq Heydər Əliyev, Sərvər Bədəlbəyli, Bakı, Koroğlu küçələrinin davamının, şəhərin əsas giriş yollarından biri olan Metallurq küçəsinin, Çerkassi, Kamran Hüseynov, Kimyaçılar, Babək, İsmət Qayıbov, Niyazi, Üzeyir Hacıbəyov və sair küçələrin, St.Sumqayıt, Yaşıl Dərə yaşayış sahələrində, Hacı Zeynalabdin və Corat qəsəbələrindəki əsas yolların və şəhərin məhəllədaxili ərazilərdə 2 milyon kv.metrdən çox sahənin asfalt örtüyünün təmiri nəzərdə tutulur.
Sevindirici haldır ki, icra rəsmisinin açıqlaması ilə sakinlərin dediyi ünvanlar əsasən üst-üstə düşür. İnanırıq ki, şəhərimizin küçələrində bu ilin sonuna kimi təmir-bərpa işləri tam yekunlaşacaq və bütün yollara asfalt örtüyü döşənəcək.

Sevinc Məhərrəmqızı
Xeberle.com