İş insanın real potensialına cavab verməlidir. Potensiallı insanlar hər bir halda özlərinə layiqli vəzifə əldə edə bilirlər. Bir çox hallarda isə sadə peşə yanaşması olmayan gənclər iş axtarmağın üsullarını bilmədikləri üçün öz peşələrindən kənar iş fəaliyyəti ilə işləməyə razı olurlar. Təbii ki, belə olan halda onlar öz potensiallarına layiq işdə işləməmiş olurlar. Digər tərəfdən ölkə əhalisinin məşğulluğuna cavabdeh olan məşğulluq idarələrində də iş çeşidləri çox kasaddır.
Cağdaş zəmanəmizdə az qala ali təhsil almayan gəncin olmadığı bir dövrdə işsizlik mühüm problemlərdən sayılır. Məsələni qabartmaqda məqsəd kimin günahkar olub olmadığını araşdırmaq deyil, sadəcə problemdən çıxış yolları tapmaqdır. Hər hansı ixtisas üzrə təhsil alıb və sonrada öz ixtisası üzrə iş tapmamaq artıq özü böyük bir problem hesab olunur. Ən azından universitetlərə qəbul zamanı hər peşə üzrə ehtiyac olan qədər vakansiya elan edilsə bu qədər də işsizlik problem yaranmaz.
Mövzu ilə əlaqəli sosioloq Cavid İmamoğlunun da fikirlərini öyrəndik. Mütəxəsis Xeberle.com-a bildirdi ki, ölkəmizdə daha çox xidmət sektoruna aid iş yerlərinə rast gəlinir: "Bunun əsas səbəbi şirklətlərin öz vakant yerlər haqda məşğulluq idarələrinə məlumat verməmələri, daha çox özləri kadr şöbəsi vasitəsi ilə internet üzərindən işçi axtarmalarıdır. Belə olan halda, bacarıqlı gənclər, hansılar ki, işi harda axtarmağın yollarını bilirlər, onlar bu boş vakansiyalara namizədliklərini irəli sürüb layiqli işə sahib olurlar. Bütün bunlardan xəbərsiz olan vətəndaş isə məşğulluq idarəsindəki təklifləri özünə layiq bilməyib bir çox hallarda işsiz qalır. Odur ki, məktəblərdə, televiziya və radiolarda karyera qurmaq, iş axtarmaq və s bu mövzularda maarifləndirmə işi aparılmalıdır ki, insanlar layiq olduqları işləri harada və necə axtarmaq lazım olduqlarını bilsinlər.”
Xədicə Səxavətqızı
Xeberle.com
Xəbərdən istifadə edərkən istinad etmək vacibdir.
