“Bir müddət öncə Yevlax Rayon Xəstəxanasının baş həkiminin müavinindən özünü yandırmış əlilin səhhəti ilə maraqlandım. Onun vəziyyət orta ağırdır”. Bunu açıqlamasında Səhiyyə Nazirliyinin mətbuat xidmətinin rəhbəri Anar Qədirli bildirib. Onun sözlərinə görə, hazırda xəstə reanimasiyadadır.
Nazirlik sözçüsü onu da bildirib ki, xəstənin Bakıya gətirilməsi istisna edilmir: “Ola bilsin ki, həmin xəstə Bakıdakı ixtisaslaşmış xəstəxanaların birinə yerləşdirilsin”
Qeyd edək ki, Yevlax rayon sakini Nizami Kərimov Dövlət Sosial Müdafiə Fondunun Yevlax şöbəsində özünü yandırıb. Sosial yardım almaq üçün Fonda müraciət edən 3 uşaq atası Nizami Kərimova “6 ayın pulunu bizə ver deyiblər” və sosial yardım almasına əngəllər yaradıblar.
/lent.az/
Xəbərdən istifadə edərkən istinad etmək vacibdir.
