Qeyd etmək yerinə düşər ki, M.Qurbanlının gedişi ilə 2022/23 mövsümü başa çatdıqdan sonra Azərbaycan Premyer Liqasını tərk edən yerli oyunçuların sayı 5-ə yüksəlib. Onlar hamısı yeni mövsümə xarici klublarda başlayacaqlar. Bu futbolçulardan 4-ü əsas millinin üzvüdür.

Bu komanda 2022/23 mövsümündə ölkəsində birinci yeri tutub və yeni mövsümdə Asiya Çempionlar Liqasında yarışmaq hüququ qazanıb. Rusiya futbolunun yetirməsi olan Ramil bu ölkə və Azərbaycanla yanaşı, bir müddət Slovakiyada legioner həyatı yaşayıb.

Cəlal Hüseynov

Şeydayevdən sonra gənc Cəlal Hüseynovun da legioner həyatı yaşayacağı məlum oldu. Müqavilə ilə "Zirə"yə məxsus olmuş Azərbaycan millisinin 20 yaşlı mərkəz müdafiəçisi Bolqarıstanın yüksək liqa təmsilçisi "Arda" klubu ilə ötən ay 3 illik müqavilə imzalayıb. "Arda" Bolqarıstanda türklərin daha çox yaşadığı Kırcalı şəhərini təmsil edir. Onu da qeyd edək ki, əfsanəvi ağırlıqqaldıran, üçqat Olimpiya, 7 qat dünya və 5 qat Avropa çempionu mərhum Naim Süleymanoğlu Kırcalı şəhərində doğulmuş və idman həyatına orada başlamışdı.

Vüsal İsgəndərli
İyul ayı yeni başlasa da, təkcə Musanın deyil, daha bir azərbayclı futbolçu Vüsal İsgəndərlinin də legioner həyatı yaşayacağı məlum oldu. Ötən mövsümü "Sumqayıt"da keçirən 27 yaşlı vinger yeni mövsümə Albaniyanın "Eqnatiya" klubunda başlayacaq. Bu komanda son mövsümü 3-cü yerdə başa vurub və Konfrans Liqasında oynamaq hüququ qazanıb. 
Maraqlıdır ki, Konfrans Liqasında albanlar Ermənistanın "Ararat-Armenia" klubuna rəqib olublar. Bu komandalar KL-in 1-ci təsnifat mərhələsi çərçivəsində üz-üzə gələcəklər. İlk oyun iyulun 13-də İrəvanda, cavab matçı iyulun 20-də Albaniyada olacaq.
V.İsgəndərli "Eqnatiya"ya yeni transfer olunduğundan və adaptasiya prosesi keçmədiyindən İrəvandakı matçda iştirak etmək (deməli, həm də ora getmək) ehtimalı çox azdır. Amma o, cavab görüşündə meydana çıxa bilər

 

 

Musa Qurbanlı
Bu yay xaricə yollanan daha bir oyunçumuz Musa Qurbanlıdır. O, artıq İsveçdədir və çox tezliklə "Yurqorden”lə müqavilə bağlayacaq. Müqavilənin müddətinin 3 il olacağı gözlənilir.
İsveçin "Expressen” nəşrinin yazdığına görə, M.Qurbanlı "Yurqorden”ə 6 milyon İsveç kronuna (bugünkü məzənnəyə uyğun olaraq 510 min avro - red.) başa gələcək ki, bu da klub tarixinin ən bahalı transferlərindən olacaq. Qurbanlının özünün isə ilinə 200 min avro qazanacağı bildirilir.
Əlavə edək ki, "Yurqorden” də 2023/24 mövsümündə UEFA Konfrans Liqasında yarışacaq. Turnirə ikinci mərhələdən başlayacaq komandanın bu mərhələdə rəqibi İsveçrə təmsilçisi "Lyütsern” olacaq. Bu mərhələnin ilk görüşləri 27 iyul, cavab matçları 3 avqustda olacaq. Həmin vaxta qədər Musanın yeni komandasına daha çox uyğunlaşa biləcəyini söyləmək mümkündür.

 

Coşqun Diniyev
Nəhayət, yeni mövsüm legioner həyatı yaşayacaq daha bir oyunçumuz Coşqun Diniyevdir. Bu, 27 yaşlı yarımmüdafiəçisinin ilk legioner həyatı olacaq. O, karyerasını yeni mövsüm Türkiyə birinci liqanda yarışacaq "Umraniyespor"da davam etdirəcək. Bu klub ötən mövsüm superliqanı 17-ci yerdə başa vuraraq həmin yarışı tərk edib. Yeni mövsümdə komandanın hədəfi yenidən yüksək liqaya qayıtmaqdır. C.Diniyev üçün Türkiyə liqa yeni çağırış olacaq. 
Əlbəttə, beş futbolçumuzun seçimləri müzakirələrə açıq ola bilər. Axı, bizə qonşu ölkərin nümayəndələri TOP-5-də də daxil olmaqla daha güclü liqalarda oynayırlıar. Bununla belə, o da etiraf edilməldir ki, bu beş oyunçumuzun heç birinə məsələn, gürcü Xviça Kvaratsxeliyanın oynadığı "Napoli"dən, yaxud A seriyasının digər təmsilçilərindən dəvət gəlməyib. Niyə gəlmədiyi isə artıq bu oyunçularımızın özü yox, ümumən futbolumuzla bağlı problemdir.
Odur ki, necə deyərlər, olanımız da, gələn təkliflər də budur. Və istəsək də, istəməsək də, bu reallığı qəbul etməliyik. Amma o da vurğulanmalıdır ki, bu keçidlər onların karyerasında yaxşı tramplin də ola bilər. Xüsusən 20 yaşlı Cəlal və 21 yaşlı Musa üçün.  Unutmayaq ki, böyük liqa və klublara Avropadan keçid daha yaxındır, nəinki gözdən uzaq Azərbaycan liqasından.
ELNUR