Azərbaycan Velosiped millisinin üzvü, Rio-de-Janeyro Olimpiadasının iştirakçısı Yelena Pavluxina 2017-ci ildən etibarən Qazaxıstanın "Astana” klubunun şərəfini qoruyacaq.
Millimizin üzvü son iki mövsümdə Sloveniyanın "Lyubliyana” klubunda çıxış edib.
"Mənim üçün "Astana” kimi komandanın bir hissəsi olmaq böyük şərəfdir. Mən inkişaf etmək üçün şəraitimin olmasına görə sevincliyəm. Həmişə belə yüksək səviyyəli klubda çıxış etməyi arzulamışam. Əminəm ki, ümumi səylər nəticəsində "Astana”nın qadınlardan ibarət komandası dünyada ən güclülərdən biri olacaq. Dünya turu yarışlarında qalib gələ bilsək çox xoşbəxt olacağam”, - deyə Pavluxina bildirib.
Qeyd edək ki, Rio Olimpiadasında Pavluxina 68 idmançı arasında 35-ci olub. (AzVision.az)
Xəbərdən istifadə edərkən istinad etmək vacibdir.
