Sumqayıtda F.Piriyev adına 18 nömrəli tam orta məktəbdə də şəhərin ayrı-ayrı ümumtәhsil mәktәblәrinin komandaları arasında "İslam Hәmrәyliyi İli”nә hәsr olunmuş intellektual oyun üzrә mәktәb çempionatı keçirilib. Sumqayıt Təhsil şöbəsindən Xeberle.com-a verilən məlumata görə, təlimata əsasən Sumqayıt ümumtәhsil mәktәblәrinin 8-10-cu sinif şagirdlәri arasında keçirilən məktəb çempionatının әsas mәqsәdi şagirdlərin intellektual vә yaradıcılıq bacarıqlarının inkişafına kömәk etmәk, yüksәk yaradıcılıq qabiliyyәtinә, intellektual potensiala vә müxtәlif sahәlәrdә dәrin biliklәrә malik şagirdləri aşkar etmәk, onların inkişaf etdirilmәsinә şәrait yaratmaq, ən güclü mәktәb komandalarını müәyyәn etmәk, mәktәblilәrin intellektual vә yaradıcılıq sәviyyәsinin yüksәldilmәsinә nail olmaq olmaqdır. Bilik yarışması Dövlət himninin canlı oxunması ilə başlanmış və aparıcı tərəfindən oyunun keçirilməsi qaydası komandalara izah olunub. Üç mərhələdən ibarət olan gərgin keçən intellektual oyun üzrә bilik yarışmasında Sumqayıt şəhər Texniki və təbiət elmləri liseyinin komandası ən yüksək nətıcə göstərərək qalib adını qazanıb və komanda Azәrbaycan Respublikası Tәhsil Nazirliyinin qiymәtli hәdiyyәlәri, medalları və kuboku ilə mükafatlandırılıb. Qeyd edək ki, qalib komanda bilik yarışmasının final turunda Sumqayıt şəhərini təmsil edəcək.