Azərbaycanlı qapıçı oyun ərzində bir neçə seyvi ilə yadda qalıb
Bu gün Türkiyə kubokunda 1/8 final mərhələsinin növbəti oyunları keçirilib.
Millimizin üzvü Kamran Ağayevin formasını geyindiyi "Kayserispor” doğma meydanda Super Liqa təmsilçisi "Beşiktaş”ı qəbul edib.
"Kayserispor” oyunun 39-cu dəqiqəsində Anil Tasdemirin on bir metrlik cərimə zərbəsindən vurduğu qolla "Beşiktaş”ı məğlub edib.
Kamran Ağayev start heyətində meydana çıxaraq komandasının növbəti mərhələyə adlamasında böyük rol oynayıb. Ağayev oyun ərzində bir neçə seyvi ilə yadda qalıb.
Milli qapıçının debütü uğurlu alınıb və klubu 1/4 final vəsiqə qazanıb. (oxu.az)
Xəbərdən istifadə edərkən istinad etmək vacibdir.
