"Yunanıstan Azərbaycan üçün strateji baxımdan əhəmiyyətli tərəfdaşlardandır. Bu ölkə Azərbaycanın əsas strateji qaz kəməri olacaq TAP-da istehlakçı və eyni zamanda tranzit ölkədir".
Bunu İqtisadi və Sosial İnkişaf Mərkəzinin (İSİM) sədri Vüqar Bayramov söyləyib.
Onun sözlərinə görə, ölkəmizin sözügedən dövlətdə sərmayələri ilə Dövlət Neft Fondunun aktivlərinin ¼-nin avro və idarə olunan vəsaitlərinin 40 faizinin Avropa Birliyində saxlanıldığını nəzərə alsaq Yunanıstanda böhranın başa çatmasında maraqlı olan ölkələrdən biri də məhz Azərbaycandır.
İqtisadçı-alim hesab edir ki, referendum nəticələri avronun dollara məzənnəsinə təsir göstərəcək. Doğrudur, bazardakı mövcud tarazlıq hələlik avropalıların pulunun kursunda çox kəskin azalmalara imkan verməyəcək:
"Eyni zamanda, Yunanıstan böhranın ölkəmizin strateji qaz kəmərlərinin reallaşmasına təsir edəcəyi gözlənilmir. Razılaşmaq lazımdır ki, bu təşəbbüslərin reallaşmasında Bakı və Brüssel qərarverici tərəflərdir. Afina sadəcə iştirakçıdır. Kəmərin əsas benefisarı olan İtaliya isə özünün enerji asıllığını yumşaltmaqda maraqlı görsənir".
İqtisadçı-alim Vüqar Bayramov
O, qeyd edib ki, Yunanıstan defoltunun Dövlət Neft Fondunun gəlirliliyinə mənfi təsir göstərməyəcək. Bir tərəfdən, fond artıq xeyli vaxtdır "avrsozulaşma” siyasəti aparır. Digər tərəfdən isə, bu defoltdan ABŞ və Almaniya səhmdarlarının qazanacağı gözlənilir. Sözügedən dövlətlədə səhmlərin qiymətində artımlar gözlənilir. Bu isə, okeanın o tayında vəsaitinin təxminə yarısını saxlayan Neft Fondu üçün yaxşı xəbər sayıla bilər. Referendum nəticələri Azərbaycan ilə Avropa arasında iqtisadi əlaqələrə da təsir göstərməyəcək. Bu qitəyə daha çox strateji məhsullar ixrac edən Azərbaycanın avro-idxalında həcm və qiymətdə hələlik hər hansı dəyişikliklərin olacağı gözlənilmir.
V.Bayramovun fikrincə, Afina yeni mərhələnin başlanğıcındadır: "Bu ölkədə hətta sabahı proqnozlaşdırmaq çətindir. Berlin və Parisdə isə təlaş hiss edilmir. Bu gün Parisdə baş tutacaq Almaniya və Fransa liderlərinin görüşündə səslənəcək bəyanat da vəziyyətin istiqaməti barədə həlledici olacaq", - deyə iqtisadçı-alim vurğulayıb.
Yunanıstanda keçirilən referendumun ilkin nəticələri məlum olub. Referendumda iştirak edən yunanların 59,7 faizi kreditorların tələblərinə "yox" deyib, Seçicilərin 40.3 faizi isə "bəli" deyə cavab verib. Bununla da ölkə əhalisi Yunanıstan hökumətinin kreditorların şərtlərinə razılıq verib-verməməsi barədə məsələyə aydınlıq gətirib.
Keçirilən sorğular göstərir ki, bu mövzuda əhalinin fikri də müxtəlifdir. Hakimiyyət insanları "yox" deməyə çağırır. Onlar kreditorlarla razılaşmağın digər yollarını axtarmağı təklif edir. Lakin bəzən insanların indiki hakimiyyətə güvənmədiyini və beynəlxalq kreditorları dəstəklədiyini də görmək mümkündür.
Yunanıstan vətəndaşları Afina mərkəzində etiraz edir
Yunanıstanın böhranlı vəziyyətdən çıxması üçün Beynəlxalq Valyuta Fondu, Avropa Mərkəzi Bankı və Avropa Birliyinə olan borclarını ödəməli və 2018-cu ilə qədər 56 milyard dollar məbləğində yeni kredit müqaviləsi bağlamalıdır. Avropa ölkələri Yunanıstanı borc bataqlığından çıxarmaq üçün bir sıra addımlar atırlar. Əgər Yunanıstan öz borclarını ödəyə bilməsə, Avrozonadan çıxa bilər. Beynəlxalq kreditorların Yunanıstanın borcu üçün qoyduğu vaxt artıq başa çatıb. Yunanıstan höküməti 1,6 milyard avro miqdarında borcunu Beynəlxalq Valyuta Fonduna ödəməkdən imtina edib.
Aksiya zamanı Yunanıstan bayrağı
Bəzi ölkələr o cümlərədn Türkiyə Yunanaıstana kömək əlini uzatmaq niyyətini açıqlasa da, rədd cavabı alıb. Ölkə rəsmiləri bunun Yunanıstanı asıllığa salacağını düşünürlər.
İlkin nəticələr açıqlanan kimi yunanalr küçələrə axışıblar.
Referendumda iştirak edən yunanların 59,7 faizi kreditorların tələblərinə "yox" deyib
Minlərlə insan Afinanın mərkəzində yerləşən Sintaqma meydanına toplaşaraq, əllərində Yunanıstan bayrağı ilə nəticələri bayram edirlər. (anspress.com)
Xəbərdən istifadə edərkən istinad etmək vacibdir.
