Müdafiə Nazirliyinin hərbi hissələrinə verilən elektrik enerjisi kəsiləcək

Bu qərarı Rusiyanın Xabarovsk şəhərinin enerji şəbəkəsi qəbul edib.

Ölkə.az xəbər verir ki, Rusiyanın Çinlə həmsərhəd əyaləti olan Xabarovsk diyarındakı hərbi obyektlərin böyük məbləğdə borca görə elektrik enerjiləri kəsiləcək.

Məlumata görə, Rusiyanın Müdafiə Nazirliyinin elektrik şəbəkəsinə milyard rubldan çox borcu yığılıb. Yerli hakimiyyət orqanlarının etirazına baxmayaraq hərbi hissələrə və digər obyektlərə verilən elektrik enerjisi bu gündən kəsiləcək.

Ekspertlərin fikrincə bu ölkədəki böhranın getdikcə dərinləşdiyindən xəbər verir və Rusiyanın təhlükəsizliyini ciddi şəkildə təhdid edir.