Sumqayıt
Regional Mədəniyyət idarəsinin şəbəkəsinə daxil olan Abşeron rayon Xırdalan
şəhər 11 illik musiqi məktəbində 18 sentyabr Milli Musiqi Günü ilə əlaqədar
tədbir keçirilib.
Sumqayıt Regional Mədəniyyət idarəsinin Mətbuat xidmətindən Xeberle.com-averilən məlumata görə, məktəbin direktoru Respublikanın əməkdar müəllimi İkram
Manafov tədbirdən öncə çıxış edərək, Milli Musiqi Günü və eyni zamanda yeni
dərs ilinin başlanması münasibəti ilə tədbir iştirakçılarını təbrik edib.
Tədris işləri üzrə direktor müavini
nəzəriyyəçi Nəzakət Vəliyeva dahi bəstəkar Üzeyir Hacıbəylinin həyat və
yaradıcılığından geniş söhbət açıb.
Daha sonra məktəbin xalq çalğı
alətləri, xanəndəlik və vokal şöbəsi müəllim və şagirdlərinin ifasında musiqi
nömrələri ifa olunub, bəstəkarın "Leyli
və Məcnun”, "Arşın mal alan” , "O olmasın, bu olsun” opera və operettalarından
səhnəciklər təqdim olunub.
Xəbərdən istifadə edərkən istinad etmək vacibdir.
