Sumqayıt
Regional Mədəniyyət İdarəsinin dəstəyi ilə Sumqayıt şəhər Mərkəzi Uşaq
Kitabxanasında Cəfər Cabbarlının 120 illik yubileyi münasibətilə "Fəqət ölən
deyil onun sənəti” adlı ədəbi-bədii gecə keçirilib.
Sumqayıt
Regional Mədəniyyət İdarəsinin Mətbuat xidmətindən Xeberle.com-a Azərbaycan
Respublikasının Prezidenti İlham Əliyevin "Cəfər Cabbarlının 120 illiyinin qeyd
edilməsi haqqında” müvafiq sərəncamına əsasən keçirilən tədbiri giriş sözü ilə
açan multimedia mütəxəssisi Leyla Mahmudova əvvəlcə iştirakçılara C.Cabbarlının
həyatı və zəngin yaradıcılığı haqqında məlumat verib, ədəbiyyatımıza,
mədəniyyətimizə verdiyi töhfələrdən danışıb, "Mən bir solmaz duyğuyam ki...” başlıqlı sərgi
haqqında xülasə verib. Sonra Cəfər Cabbarlının həyat və yaradıcılığını əks
etdirən qısa sənədli film və "Almaz”
pyesi əsasında hazırlanmış kompozisiya nümayiş olunub. Daha sonra ədibin qələmə
aldığı şeirləri oxucular Jalə Həsənli (Olsun qoy), Fatma Həsənli (Mənim
tanrım), Rəsul Vəliyev (Salam), Nihad Mustafayev (Ölkəm), Fidan Şahvələdova
(Ana), Nərmin Hüseynova (Azərbaycan bayrağına), Nənəş İsmayılova (Mən bir
susmaz duyğuyam ki...), Rəhman Kişiyev (Olmasın) həzin musiqi sədaları altında ifa
ediblər.
Kitabxanada
daha bir tədbir azərbaycanlı Sovet
İttifaqı Qəhrəmanı İsrafil Məmmədovun anadan olmasının 100 illik yubileyi
münasibətilə keçirilib. "Nəsillərə yadigar əfsanəvi qəhrəmanlıq” adlı tədbiri
giriş sözü ilə açan kitabxananın multimedia mütəxəssisi Leyla Mahmudova İsrafil
Məmmədovun şanlı həyat və döyüş yolu haqqında məlumat verib. Sonra oxuculardan
Yusif Abbaszadə, Məhəmməd Məhərrəmli, Xədicə Xələfova, Arzu Ayadzadə, Dəniz
Məmişova, Leyla Bayramovanın və digərlərinin ifasında Səməd Vurğunun, Mirmehdi
Seyidzadənin və Osman Sarıvəllinin İsrafil Məmmədova həsr edilmiş şeirləri
əsasında hazırlanmış bədii kompozisiya dinlənilib, qəhrəmanın şərəfli həyat
yolundan bəhs edən sənədli film nümayiş olunub. Sonda kitabxananın fondunda
olan tarixi, sənədli və bədii ədəbiyyatları özündə əks etdirən "Odlu illərin
səlnaməsi” adlı kitab sərgisi haqqında xülasə verilib.
Xəbərdən istifadə edərkən istinad etmək vacibdir.
