Bu gün Sumqayıt Regional Mədəniyyət İdarəsi , Abşeron rayon Xırdalan şəhər 11 illik musiqi məktəbi və Sumqayıt şəhər N. Nərimanov adına Mədəniyyət Mərkəzinin təşkilatçılığı ilə ustad sənətkar Aşıq Ələsgərin 200 illiyinə həsr olunan uşaq və gənclər arasında saz ifaçılarının "Sazım mənim - sözüm mənim" adlı regional müsabiqəsinin açılış mərasimi keçirilib.
Mərasimdə ilk olaraq qonaqları salamlayan Abşeron rayon üzrə Baş Məsləhətçi İlham Manafov sözü Sumqayıt Regional Mədəniyyət İdarəsinin rəisi Rəşad Əliyevə verib.
Tədbir iştirakçılarını salamlayan idarə rəisi, Azərbaycan Respublikasının Prezidenti cənab İlham Əliyevin həyata keçirdiyi peşəkarlığa, yeniliyə əsaslanan mütərəqqi dövlət siyasətinin bütün sahələrdə, o cümlədən mədəniyyət sahəsində sürətli inkişaf yolundan, Azərbaycan mədəniyyətinin, mədəni irs nümunələrindən dünya miqyasında tamamilə yeni müstəvidə tanıdılmasına mühüm töhfələr verdiyindən bəhs edib.
R. Əliyev qeyd edib ki, bu il Respublikamızda və onun hüdudlarından kənarda Dədə Ələsgərin anadan olmasının 200 illiyi ilə əlaqədar silsilə tədbirlər keçirilir.
Və biz də Sumqayıt RMİ olaraq, Azərbaycan Respublikası Mədəniyyət Nazirliyinin cari ilin mayın 8-də təsdiq edilmiş tədbirlər planına uyğun olaraq saz simli çalğı alətinin təbliği, bu sahədə musiqi təhsilinin inkişaf etdirilməsi, istedadlı uşaq və gənclərin aşkara çıxarılması və dəstəklənməsi, onların yaradıcılıq potensialının yüksəldilməsi məqsədilə "Sazım mənim, sözüm mənim” müsabiqəsinə start veririk.
Sonda isə müsabiqədə zəhməti olar hər kəsə minnətdarlığını bildirərək, iştirakçılara uğurlar arzulayıb.
Xəbərdən istifadə edərkən istinad etmək vacibdir.
