Xırdalan şəhər 11 illik musiqi məktəbinin xanəndəlik ixtisası üzrə üç şagirdi fevralın 2-də Gənclər Günü münasibətilə Azərbaycan Dövlət Akademik Filarmoniyasında "Gənclərə dəstək” layihəsi çərçivəsində təşkil olunacaq konsert proqramında çıxış edəcək.
Sumqayıt Regional Mədəniyyət İdarəsindən Xeberle.com-a bildirilib ki, sözügedən konsertdə idarəyə tabe olan Abşeron rayon Xırdalan şəhər 11 illik musiqi məktəbinin şagirdləri - respublika və beynəlxalq müsabiqələr laureatları Sabir Ağayev, Nihad Məmmədzadə və Fəqan Xəlilli öz məharətlərini göstərəcəklər. Onları Q.Qarayev adına Azərbaycan Dövlət Kamera orkestri müşayiət edəcək. Orkestrin bədii rəhbəri və dirijoru Xalq artisti Fəxrəddin Kərimovdur.
Xəbərdən istifadə edərkən istinad etmək vacibdir.
