Dərinizin gözəlləşməsini istəyirsinizsə, bu qidalardan daha çox yeməyə çalışın.Tabloid.az dərini gözəlləşdirən qidaların siyahsını təqdim edir:
Kətan toxumu
Omeqa-3 anbarı olan kətan toxumunun yaşlanma əleyhinə təsiriləri məlumdur. Aparılan tədqiqatlar göstərir ki, hər gün istehlak edildikdə dəridəki qızartıları aradan qaldırır, həm də dəriyə təravət bəxş edir.
Qara meyvələr
Qara rəngli meyvələr dəri üçün ən faydalı qidalar arasındadır. Böyürtkən, qara tut və alça başda olmaq üzrə hamısı antioksidant baxımından zəngindir və dərinizin gənc görünməsini təmin edir.
Günəbaxan yağı
E vitamini baxımından zəngin günəbaxan dərimizi günəşin zərərli şüalarından qoruyur. Duzsuz və rafinə edilməmiş yağlara üstünlük verilərsə, dərinizi qorumağı öz öhdəsinə götürür.
Şokolad
Şokolad sevənlər gündəlik məqbul sayılan həddi aşmayaraq qara şokolad yeyə bilər. Qara şokoladın qara nöqtələrə səbəb olduğu fikrinin əksinə bu qidanın dərini yaxşılaşdırdığı məlumdur.
Şirin kartof
Şirin kartof A və C vitamini ilə zəngindir. Bu vitaminlər dəri gözəlliyi üçün çox əhəmiyyətlidir. C vitamini dərinin elastikliyini qoruyur, həm də A vitamini antioksidant təsiri ilə sərbəst radikallara qarşı dərini müdafiə edir.
İspanaq
İspanaq dəri üçün ən effektli tərəvəzdir. A, C və E vitamini ehtiva edən ispanaq bir çox dəri probleminin həllində əvəzsizdir. Hər gün istehlak etsəniz, dəriniz daxildən təmizlənəcəkdir.
Somon balığı
D vitamini ilə zəngin olan somon balığı sümüklər, ürək və beyinlə yanaşı, dəriniz üçün də faydalıdır. Omeqa-3 yağ turşuları sızanaqlar, qırış və qıcıqlanmaya qarşı təsirlidir.
Qırmızı bibər
Bir ədəd qırmızı bibər gündəlik C vitamini ehtiyacının hamısını ödəyə bilər. Həmçinin B6 baxımından da zəngindir. Bunun sayəsində qan axınını tənzimləyir və dərinin canlı görünməsini təmin edir. Bundan başqa, sızanaqlara qarşı da təsirlidir.
Qatıq
Qatığın tərkibində dərinin dartılmasını təmin edən zülallar olur. Bu qırışlara qarşı təsirlidir.
Pomidor
Likopen baxımından zəngin olan pomidor bu antioksidantlar sayəsində dərinizi qoruyur, solğunlaşmasına və rəng dəyişikliklərinə mane olur.
(tabloid.az)
Xəbərdən istifadə edərkən istinad etmək vacibdir.
