Bu gün Şuşadan keçən Xankəndi-Laçın yolunda Beynəlxalq Qırmızı Xaç Komitəsinə (BQXK) məxsus ümumilikdə 9 avtomobilin hərəkət etməsinə şərait yaradılıb.
"Report”un aksiya keçirilən ərazidəki əməkdaşı xəbər verir ki, nəqliyyat vasitələrinin maneəsiz şəkildə hərəkət etməsi təmin olunub.
Belə ki, 8 minik və 1 yük avtomobili Xankəndidən Laçın istiqamətinə keçid ediblər.
Bundan başqa, Rusiya sülhməramlılarına məxsus 33 avtomobilin hərəkət etməsinə növbəti dəfə şərait yaradılıb.
Bu, bir daha göstərir ki, humanitar məqsədli maşınların keçidi üçün heç bir məhdudiyyət yoxdur.
Xəbərdən istifadə edərkən istinad etmək vacibdir.
