“Dörd zolağa ehtiyac yoxdur, ağaclar heyifdir. Qətiyyən olmaz. Yaxşı ki, mən gəldim və bu sxemi gördüm”
Xəbər verdiyimiz kimi, Ağdaş rayonuna səfəri zamanı prezident İlham Əliyev nəqliyyat nazii Ziya Məmmədovun hazırladığı Ağdaş-Qəbələ avtomobil yolunun yenidən qurulması layihəsinin sxeminə etiraz etmişdi.
Ziya Məmmədov bildirmişdi ki, 28 kilometr uzunluğunda yol yenidən qurulacaq və dördzolaqlı olacaq. Z. Məmmədovun təqdimatına reaksiya verən İ. Əliyev isə buna etiraz etmişdi: “Dördzolaqlı olsa, onda gərək ağaclar qırılsın. Dörd zolağa ehtiyac yoxdur, ağaclar heyifdir. Qətiyyən olmaz. Yaxşı ki, mən gəldim və bu sxemi gördüm”.
“Qafqazinfo” prezidentin nazirə irad tutduğu anın videosunu təqdim edir:
Xəbərdən istifadə edərkən istinad etmək vacibdir.
