Xeberle.com-un verdiyi xəbərə görə, Sumqayıt şəhər Gənclər və İdman Baş İdarəsinin və London Language and Business School (LLBS) tədris mərkəzinin birgə təşkilatçılığı ilə Sumqayıt Gənclər Evində müxtəlif sahələri təmsil edən gənclərin iştirakı ilə xaricdə təhsillə bağlı seminar keçirilib.
Dövlət xətti ilə xaricdə təhsil almış, LLBS-un rəhbəri Orxan Həsənov tərəfindən verilən seminarda iştirakçılara "2007-2015-ci illərdə Azərbaycan gənclərinin xarici ölkələrdə təhsili üzrə Dövlət Proqramı” və proqramın uğurla icrası, IELTS, Erasmus proqramı, üstünlükləri, eləcə də xaricdə təhsil və yay məktəbləri barədə geniş məlumat verilib.
Eyni zamanda seminarda xaricdə təhsil üçün aidiyyatı orqanlara müraciət, seçim və digər prosedur qaydalar haqqında gənclər məlumatlandırılıb.
Sonda təlimçi tərəfindən iştirakçıları maraqlandıran suallar cavablandırılıb.
Xəbərdən istifadə edərkən istinad etmək vacibdir.
