2 saylı Sumqayıt regional ‘‘ASAN xidmət” mərkəzinin açılışının ildönümüdür. Sumqayıt24 bu haqda 20 iyul tarixində xəbər verir.
Açılış mərasimi Prezident İlham Əliyevin iştirakı ilə 20 iyul 2022-ci il tarixində baş tutub. Mərkəzin binası 4 mərtəbəlidir. Ərazidə fəvvarə, geniş park, iki yerüstü avtomobil dayanacağı, kafe, uşaq əyləncə və idman meydançaları var.
2 saylı Sumqayıt regional ‘‘ASAN xidmət” mərkəzi Sumqayıt şəhəri, Qobustan, Xızı, Siyəzən və Abşeron rayonlarında qeydiyyatda olan 700 minə yaxın insanla yanaşı, ölkə üzrə ərazi məhdudiyyəti olmadan bütün vətəndaşlara xidmət göstərir.
Ötən il ərzində quruma 440 mindən çox vətəndaş müraciət edib.
2 saylı Sumqayıt regional ‘‘ASAN xidmət” mərkəzində çox sayda əməkdaş çalışır, onların arasında şəhid ailəsi üzvləri və qazilər var.
Qeyd edək ki, burada müxtəlif dövlət orqanları, həmçinin özəl şirkət və müəssisələr tərəfindən 325 xidmət həyata keçirilir.
Xəbərdən istifadə edərkən istinad etmək vacibdir.
