X.Fərəcli tədbirin məğzindən danışaraq bildirdi ki,"belə bir təşəbbüs Ulu öndər Heydər Əliyev şəxsiyyətinə, mənəvi irsinə, əmək və fəaliyyətinə, o cümlədən multikulturalizm sahəsinə verdiyi töhfələrə diqqətin nümayişidir. AYB-də fəaliyyət göstərən müxtəlif şöbələr, seksiyalar kimi, Multikulturalizm bölməsi də o qədər əhəmiyyətli və vacibdir”. O, belə bir məsuliyyətli işin məhz ona həvalə olunmasına görə, AYB-nin sədri Anar müəllimə öz dərin təşəkkürünü bildirdi və göstərilən etimadı zəhməti ilə doğruldacağını qeyd etdi.

X.Fərəcli çıxışında vurğuladı ki,"Heydər Əliyevin ömür yolu, liderlik keyfiyyətləri hər kəsə yetərincə məlumdur. Dahi şəxsiyyətin xalqına, millətinə olan sıx bağlılığı elə Azərbaycan tarixinin bir hissəsidir. Hər bir insan dünyaya bir missiyanı yetirmək üçün gəlir. Heydər Əliyev ömrünə yazılan, üzərinə düşən missiyanı çox bacarıqla, xüsusi səriştə və ustalıqla, uzaqgörənliklə yerinə yetirdi.

Heydər Əlyev mürəkkəb, ziddiyyətli tarixi proseslərin gərdişindən bacarıqla baş çıxaran, ən çətin vəziyyətdə təmkinini qoruyaraq doğru-düzgün qərararlar verməyə qadir olan bir lider idi. O,multikulturalizm siyasətini ölkənin demokratik inkişafının tərkib hissəsi hesab edib, fəaliyyətinin bütün sahələrində olduğu kimi, bu sahədə də, təkcə Azərbaycana deyil, Dünya siyəsətinə də öz töhfələrini verən bir şəxsiyyətdir”.

Ulu Öndərin doğum günü ərəfəsində belə bir tədbirin gerçəkləşməsinin onun əziz xatirəsinə olan hörmətin və sevginin təzahürü olduğunu vurğulayan Xatirə Fərəcli, daha sonra sözü tədbir iştirakçılarına verdi.

Çıxışçılar: AYB-nin katibləri İlqar Fəhmi və Səlim Babullaoğlu, AYB sədrinin Baş müşaviri Rauf Aslanov, Kadrlar şöbəsinin rəisi Arifə Əliyeva, tənqidçi-ədəbiyyatşünas Əsəd Cahangir; Azərbaycan Respublikasının Prezidenti yanında Dövlət İdarəçilik Akademiyasının professoru, "Simurq” Azərbaycan Mədəniyyət Assosasiyasının Prezidenti, Azərbaycanda kulturologiya elminin yaradıcısı Fuad Məmmədov; Bakı Beynəlxalq Multikulturalizm Mərkəzinin şöbə müdiri, jurnalist Yadigar Məmmədli; Azərbaycan Milli Konservatoriyasında "Humanitar fənnlər” kafedrasının müdiri Firudin Qurbansoy; AMEA-nın Folklor İnstitutunun əməkdaşları Vəfa Saleh (Beynəlxalq Əlaqələr şöbəsinin müdiri), Cəmilə Novruzova ("Azsaylı xalqlar” şöbəsinin əməkdaşı) və Asiya Mirzəyeva; "Dünya Axısxa Türkləri” Birliyinin Azərbaycan təmsilçisi, Azərbaycanda yaşayan Axısxa türklərinin "Vətən” İB-nin sədri Xalid Xəlilov; İsrail-Azərbaycan "Şahdağ” təşkilatının Azərbaycan üzrə nümayəndəliyinin rəhbəri İsmayıl Zalov; Azərbaycan Respublikasının Alban-Udi Xristian Dini İcmasının sədri Robert Mobili; Azərbaycan Bahai İcmasının üzvü Ramazan Əsgərli; İctimai xadim, "Dövlət və qanun” qəzetinin redaktoru Yasəmən Möhübbətqızı; "Milli Dəyərlər üzrə Maarifləndirmə” İB-nin sədri, şair-jurnalist Gülşən Behbud; "Sahibkar Qadınlar” İB-nin sədri, İctimai xadim, Zenfira Ağayeva; Pedaqogika üzrə Fəlsəfə doktoru, uzun illər Moskva şəhərində Hərbi Akademiyada və "Etnik Azərbaycan Mərkəzi”ndə dərs demiş Mehriban Abdullayeva; Yazıçı-dramaturq, tərcüməçi, ssenarist, H.Əliyevə həsr olunmuş trilogiyanın müəllifi Vaqif Ağayev; "Dodo” qəzetinin redaktoru, yazıçı-jurnalist İradə Məlikova; bir çox kitabların və "Qana bələnmiş tarix” elmi monoqrafiyanın müəllifi, tədqiqatçı-tarixçi İlahə Bayandır; qəzəlxan-şairə Mahcamal Babayeva, şair Fəxrəddin Meydanlı, jurnalist-şair Zərəngiz Mənsurova və digərləri Heydər Əliyevin azərbaycançılıq ideyasının təbliğində, yayılmasında gördüyü əhəmiyyətli işlərdən söz açdılar. Qeyd olundu ki, ölkəmizdə multikulturalizm ənənlərinin formalaşması və bu modelin yaradılmasında HeydərƏliyevin xidməti danılmazdır və H.Əliyev azərbaycançılığın daxilində təkcə çoxmillətli, müxtəlif dinli Azərbaycan əhalisini deyil, həm də xaricdə yaşayan azərbaycanlıları görürdü. Bu gün Azərbaycan xalqının multikultural ənənələrinin qorunması və inkişaf etdirilməsi prezident İlham Əliyev tərəfindən uğurla həyata keçirilir.

Tədbir iştirakşılarından Bəsti Əlibəyli, Giya və Xatirə Raçxataşvililər, Yaqoob Usuli bəy və xanımı Arzu xanım, Şövkət Zərin, Rəna Təbəssüm, Fəxrəddin Teyyub, Xəqani Abbaslı, Şəmsiyyə Kərimova, Hüsniyyə İsmayıllı, Lalə Muxtarova, Zülfiyyə İsmayılova, Rafiq Ələkbərli, Çərkəz Qurbanov və digər qonaqlar yüksək səviyyədə təşkil olunmuş tədbirlə bağlı fikirlərini bildirməklə, Xatirə xanıma yeni vəzifəsində uğurlar dilədilər.

İnanırıq ki, Heydər Əliyev və multikulturalizmin Azərbaycan modeli digər dövlətlər üçün zaman-zaman örnək rolunu oynayacaq.

Sonda tədbir şəkillərin çəkilməsi ilə tarixin yaddaşına həkk olundu.

Aygün Hacıyeva,

jurnalist, yazıçı-publisist,

AJB, AYB və AAB-nin üzvü