Qızıl Aypara Cəmiyyətinin sədri Kerem Kınık CNN Türk-ə verdiyi müsahibədə fəlakət bölgələrində tələb olunan ehtiyaclarla bağlı açıqlamalar verib.
Xeberle.com Türkiyə mediasına istinadən xəbər verir ki, Kerem Kınık açıqlamasında zərər çəkmiş vətəndaşların xüsusilə isti qış geyimlərinə ehtiyacı olduğunu bildirib.
"Ədyal istehsalçıları hazırlıq görməlidir. İkinci əl paltarlar yığmayın. Onlar problem yaradırlar. Ədyal və qızdırıcı əsasdır. Qış üst geyimləri, ayaqqabı, paltar, papaq, şərf lazımdır, amma geyinilməmiş olsun. Nəzərə almaq lazımdır ki, yaranmış humanitar böhran səbəbindən məsələyə daha həssas yanaşırıq. Yarana biləcək hər hansı virus və ya xəstəliyin yayılmaması üçün profilaktiki olaraq bu addımı atırıq".
Məlumat üçün bildirək ki, AHBAP xeyriyyə fondunun sədri Haluk Levent də dünən verdiyi açıqlamada "O insanların da qüruru var. Virus, xəstəliklər var... Mən niyə insanlara sənin paltarlarını verim? Bunu insanlara izah edə bilmirik. Qurumlarla məsləhətləşmədən yardım göndərməyin" dəyərək insanları daha həssas davranmağa səsləyib.
Xəbərdən istifadə edərkən istinad etmək vacibdir.
