İranla "Böyük altılıq” ölkələri (Rusiya, ABŞ, Fransa, İngiltərə, Çin, və Almaniya) arasında bu günlərdə əldə edilən razılaşma qonşu ölkədə coşqu ilə qarşılanıb. 

Yüzlərlə insan küçələrə çıxaraq ABŞ və Avropa İttifaqının bu ölkəyə qarşı tətbiq etdiyi sanksiyaların aradan qaldırılmasını qeyd ediblər. 

Qeyd edək ki, Lozannada "altılıq” arasında baş tutan danışıqların yekunu olaraq Tehranın ən iri  nüvə obyektləri 10 il ərzində fəaliyyətini dayandıracaq. Bunun müqabilində isə İrana qarşı tətbiq edilən sanksiyalar aradan qaldırılacaq. 

ABŞ prezidenti Barak Obama isə bu sazişi bir vaxtlar ABŞ-la SSRi arasında əldə edilən razılaşma ilə müqayisə edib və onu "tarixi” razılaşma adlandırıb. (Qafqazinfo.az)