Ukrayna Fövqəladə Hallar üzrə Dövlət Xidmətinin (UFHDX) məlumatında bildirilir ki, iyunun 8-i axşam saatlarından Kiyev yaxınlığındakı neft bazasında başlayan yanğın nəticəsində 4 nəfər ölüb, 12 nəfər xəsarət alıb.
"Hazırda UFHDX-nın 6 əməkdaşı müxtəlif yanıq xəsarətləri ilə xəstəxanaya yerləşdirilib. Yanğın nəticəsində, ümumilikdə, 4 nəfər ölüb, 12 nəfər xəsarət alıb”, deyə UFHDX-nın məlumatında bildirilir.
Məlumata görə, iyunun 9-da səhər saatlarında yanan neft bazasında partlayış nəticəsində itkin düşən 3 yanğınsöndürənin meyiti aşkarlanıb. Meyitlər çıxarıldıqdan sonra yanğının söndürülməsi üçün köpükdən istifadə edilməyə başlanılıb. (apa.az)
Xəbərdən istifadə edərkən istinad etmək vacibdir.
