Bu gün səhər saatlarından etibarən Bakının Nardaran qəsəbəsində ümumi həyat ritminin normallaşdırmaq istiqamətində müvafiq qurumlar tərəfindən konkret addımlar atılıb.

ATv.az xəbər verir ki, Daxili İşlər Nazirliyi, Milli təhlükəsizlik Nazirliyi və Baş Prokurorluq birgə keçirdiyi   xüsusi əməliyyatın  məqsədi heç şübhəsiz, Nardaranda uzun müddətdir ki, bu və ya digər şəkildə fəaliyyət göstərən terrorçu, radikalmeyilli  ekstremistlərdən təmizləmək, dövlət orqanlarının inzibati və qanuni fəaliyyətini tam bərpa etmək və orada hökm sürən mənfi atmosferi aradan qaldıraraq, sabitliyi və normal həyat tərzini qəsəbəyə yenidən qaytarmaqdır.

Tədbirlər çərçivəsində küçə və meydanlardan radikal dini simvollar, ekstemist və terrorçuların qurduğu barrikadalarından təmizlənib. Əməliyyat zamanı insanları itaətsizliyə və müqavimət göstərməyə çağıran  terrorçu və ekstremist dəstənin üzvləri gizləndiyi üşün hazırda oların müəyyənləşdirilməsi və saxlanması istiqamətində tədbirlər davam etdirilir.

Bundan sonra bu tip addımlar atıldığı təqdirdə, qəsəbədə hakimiyyət orqanlarının funksiyasını mənimsənilməsi, təxribat törətmək, təhdid və təzyiq vasitəsilə insanları radikallığa və itaətsizliyə məcbur etmək cəhdlərinin qarşısı ən sərt şəkildə alınacaq. Bundan sonra da Azərbaycan dövləti müxtəlif təxribatçı qüvvələrə, onların havadarlarına öz gücünü və qətiyyətini nümayiş etdirəcək.