Ümumdünya Taekvondo Federasiyası yeni reytinq cədvəlini açıqlayıb.
Bakıda keçiriləcək Qran-pri turnirinin final mərhələsi və komandalararası Dünya Kuboku ərəfəsində müəyyənləşən siyahı Azərbaycan millisi üçün uğurlu alınıb.
Belə ki, Olimpiya çəkiləri üzrə reytinq cədvəlinin "onluğ”unda 2 təmsilçimiz yer alıb. "Rio-2016”-nın bürünc medalçısı Milad Beiqi Harçeqani 80 kq çəki dərəcəsində 6-dır. Onun aktivində 241,23 xal var.
Millimizin heyətində ən yaxşı göstərici Radik İsayevə məxsusdu. Olimpiya çempionumuz +80 kq çəkidə bütün rəqiblərindən öndədir. Hesabında 486,02 xalı olan İsayev, ikinci yerdə qərarlaşan Dmitri Şokini(Özbəkistan) 108,7 xal qabaqlayır.
Dünya reytinqinə gəlincə, Harçeqani və İsayevlə yanaşı, Ayxan Tağızadə(68 kq) və Fəridə Əzizova da yer alıb. Onlar müvafiq olaraq, 10-cu və 9-cudur.
Siyahıda Harçeqani (80 kq) 5-ci olduğu halda, İsayev 2 müxtəlif çəkidə fərqli mövqedədir. 87 kq-da 4-cü olan dünya çempionu +87 kq-da ikincidir.(APA)

Xəbərdən istifadə edərkən istinad etmək vacibdir.