Sabiq iqtisadi inkişaf naziri Fərhad Əliyev hazırda Türkiyədə yaşayır və Türkiyə prezidenti Ərdoğanın yaxın çevrəsindədir. Sabiq nazir Azərnaycan-Türkiyə münasibətlərində ciddi yer ala biləcək QHT yaratmağı planlaşdırılır və bu haqda mediaya məlumat veriləcək. Bu barədə sabiq nazirin ailəsinə yaxın mənbələrdən məlumat daxil olub.

Mənbə bildirir ki, sabiq nazirin Almaniyada sığınacaq alması barədə məlumatlar onun əleyhdarlarının şayiəsindən başqa bir şey deyil: "Sadəcə F.Əliyev Almaniyada müalicə olunub. Sonra isə Türkiyəyə qayıdıb. Hazırda ailəsi ilə birlikdə Türkiyədədir. Azərbaycan hakimiyyəti ilə də münasibətləri çox yaxşıdır. İstənilən vaxt ölkəyə sərbəst şəkildə gedib gələ bilir. Heç bir məhdudiyyət yoxdur. Yaradacağı QHT də Azərbaycan hakimiyyəti ilə razılaşdırılıb. Qardaşı Rafiq Əliyev isə Moldova və Ruminiyada bizneslə məşğuldur. Onun da Azərbaycan hakimiyyəti ilə problemi yoxdur, istədiyi vaxt ölkəyə gelib-gedir”.  (istiqlal.az)