Rusiya Müdafiə Nazirliyi hadisə ilə bağlı açıqlama verib
Xəbər verdiyimiz kimi, Türkiyənin hava sərhədini pozan Rusiyaya məxsus "Su-24" döyüş təyyarəsi Türkiyə tərəfindən vurulub. Bizimyol.info xəbər verir ki, pilotlarından biri Suriya türkmənləri tərəfindən ələ keçirilib. 
Rusiya Müdafiə Nazirliyi isə hadisə ilə bağlı açıqlama verib. Açıqlamada bildirilir ki, təyyarə uçuş boyunca Suriya sərhədləri içərisində olub: "Pilotlar təyyarə vurularkən öz həyatlarını xilas edə biliblər. SU-24 təyyarəsi vurularkən 6 min metr yüksəklikdə olub. Təyyarə havada olduğu müddət ərzində Türkiyə hava sərhədini pozmayıb" 
Xatırladaq ki, Rusiya hərbi təyyarələri son aylarda dəfələrlə Türkiyə sərhədini pozmuşdu. Türkiyə tərəfinin xəbərdarlıqlarına baxmayaraq sərhəd pozuntuları davam edirdi.