"Hazırda dolların məzənnəsinin get-gedə zəifləməsi istiqamətində tendensiyalar xüsusi ilə ABŞ Federal Rezerv Bankının uçot dərəcəsini artırmamaq istiqamətindəki qərarı ilə bağlıdır”.   Bu barədə iqtisadçı ekspert Rəşad Həsənov açıqlama verib. Ekspertin sözlərinə görə, ilin birinci rübü ABŞ iqtisadiyyatının gözlənilən qədər inkişaf etmədiyini ortaya çıxardı:   "Böyümə həcmi, infilyasiyanın kifayət qədər aşağı olması, iqtisadi develoji göstəricilər dolların zəifləməsinə səbəb oldu. Bunun müqabilində də avronun məzənnəsi möhkəmləndi. Ümumiyyətlə götürdükdə, hazırda elə də ciddi bir möhkəmlənmə müşahidə edilmir. Bu, xüsusilə Avropa Mərkəzi Bankının həyata keçirdiyi yumşalma-nağd vəsaitlərin dövriyyəyə buraxılması siyasətindən irəli gəlir. Belə ki, AMB bu ilin mart ayından etibarən nağd və iqtisadi dinamikanı stimullaşdırmaq məqsədilə yeni qiymətli kağızlar siyasətini həyata keçirəcək. Bu, təxminən 1,7 trilyon avronun dövriyyəyə buraxılması deməkdir. Bu dövr ərzində Avropa Birliyinin əsas valyutası sayılan avronun məzənnəsinin azalması istiqamətində tendensiyalar davam edəcək. Xüsusi ilə də avqust ayında FRB uçot dərəcəsinin artırılması istiqamətində qərar verərsə, bu, dolların yenidən sərt şəkildə bahalaşmasına yol açacaq ki, nəticədə də avro ucuzlaşa bilər. Ümumilikdə isə ilin sonuna doğru avronun məzənnəsində yenidən aşağı enmələr baş verəcək, dollar isə nisbətən möhkəmlənəcək”.  (axar.az)