Sumqayıtda yerləşən yataqxanaların bir çoxunda mövcud olan acınacaqlı vəziyyət sakinləri çox narahat edir.
Yataqxanalarının əksəriyyəti yararsız və antisanitar haldadır.
Xeberle.com-un araşdırmasına görə, Sumqayıtda təxminən 65 yataqxana mövcuddur. Bu yataqxanalardan 61-i Sumqayıt Mənzil Kommunal Təsərrüfatı İstehsalat Birliyinin balansındadır. Digərləri isə şəhər ərazisində fəaliyyət göstərən zavodların yataqxanalarıdır.
Hazırda bu yataqxanalarda 12 minə yaxın şəhər sakini yaşayır. Lakin bu statistika dəyişkəndir. Belə ki, qeydiyyata yeni alınanlar və ya çıxanlar olur. Bu vaxta qədər şəhərdə istifadəyə yararsız olan 3 yataqxana sökülüb. Digər qəzalı vəziyyətdə olan yataqxanalara gəldikdə isə bununla bağlı Fövqəladə Hallar Nazirliyinin xüsusi komissiyası qərar verir. Qərar verildikdən sonra söküntü işlərinə başlanıla bilər.
Xədicə Səxavətqızı
Xeberle.com
Xəbərdən istifadə edərkən istinad etmək vacibdir.
